Өргүй хүн өвсөнд хаясан зүү мэт ховор цаг. Асар их баялагтай Монгол Улсын иргэд өрөөс өрийн хооронд, зээлээс зээлийн дарамтад балбуулсаар өдөр хоногийг аргацаан амьдарч байна. “Өртэй хүн өөдөлдөггүй” гэж эрт ярьдаг байсан бол өдгөө зээл авч чадаж байвал “өдрийн од” шүүрсэн мэт баярладаг болсон. “Май” гээд гаргах бэлэн мөнгөгүй иргэдийн амьдралд арилжааны банк болон санхүүгийн байгууллагууд шиг “сайн туслагч” байхгүй байгаа нь нууц биш.